rKTs

e-texts navigator

Page

295b₁ pa'o// dbang po tha ma'i lta ba ni/ snang ba 'di sgyu ma'am/ smig rgyu'am/ sprul pa lta bur rtog pa'o// dgongs pa ni rang gi snang ba ngo sprad pas/ bar do la ye shes 'char bar shes pa/ seng phrug mngal rgya dang bral
295b₂ ba lta bu ste/ sbubs kyis ye shes bsgribs pa mthong ba'o// spyod pa ni 'khor 'das gnyis 'dzin gyi spyod pa dang ldan pa'o// 'bras bu ni lus bor nas rang bzhin sprul pa sku'i zhing khams su dbugs 'byin pa'i
295b₃ 'bras bu 'thob pa'o// ye shes spyi blugs kyi dgongs pa skyes pa'i dus na yang gang zag rab 'bring tha ma gsum gyi lta stangs gsum du 'byung ste/ dbang po rab kyis dbang bskur ba de nyid skye med kyi 'bras bu
295b₄ rang chas su bstan par rtogs so// dgongs pa ni sbyor ba'i shes rab kyis stong pa'i thig le la rgyas btab pas bde ba chen po mkha' mnyam gyi dgongs pa las ma g.yos pa'o// spyod pa ni byang sems dkar
295b₅ dmar la gtsang sme med par spyod pa'o// 'bras bu ni rigs kyi sa'i de bzhin nyid mthong ba'o// dbang po 'bring gi lta ba ni/ snang ba rig pa'i stobs su gyur pa tsam zhig gi blta ba rtogs pa'o// dgongs pa ni
295b₆ gsal la ma yengs pa nyi zla zung du 'brel ba lta bur gnas so// spyod pa ni yang dag pa'i chos nyid rnal 'byor gyi ngang la spyod pa'o// 'bras bu ni skye shi med pa'i de bzhin nyid thob pa'o// dbang po tha ma'i lta ba

_{iiif viewer powered by OpenSeadragon}

295a - 296a

Texts on this page