| e-texts navigator |
| བོད་ཡིག |
230a1 gsol pa/ kye ston pa kun tu bzang po rig pa dang rig pa las byung ba'i sems nyid de gang lags/ rang gi mtshan nyid 'dzin pa'i sems de gang lags/ 'di kun bdag la gsung bar zhu/ zhes
230a2 gsol pas/ ston pas gsungs pa/ kye sems dpa' chen po/ rig pa dang rig pa las byung ba'i sems nyid ni/ dri ma dang rnam par rtog pa thams cad las 'das pa ste/ mdor na mya ngan las 'das pa'i rgyu dang
230a3 'bras bu thams cad de/ rig pa'i rang snang mthong ba'i skyes bu rnams kyi spyod yul lo// rang gi mtshan nyid 'dzin pa'i sems ni/ 'di ltar rtag par snang ba rnams dang / yod par snang ba dang / de bzhin du med
230a4 par snang ba thams cad dang / snang ba dang / grag pa dang / lta ba dang / sgom pa dang / spyod par snang ba thams cad dang / 'dzin pa dang / rtog pa dang / nyon mongs pa rnams te/ bsam pa'i yul du snang
230a5 tshad thams cad yin no// mdor na 'khor ba'i chos thams cad ni/ rang gi mtshan nyid 'dzin pa'i sems te/ 'gro ba rigs drug rang ka ma'i snang ba thams cad do// kye sems dpa' chen po/ sems dang ye shes
230a6 rang gi ngo bo ma phyed na/ nyi ma sprin phung gis bsgribs pa dang 'dra ste/ phyir snang ba'i don byed mi nus so// de'i phyir na sems la mkhas pa'i rnal 'byor pa rnams kyis phyi rol gyi yul bdag med du rtogs/ ye
iiif viewer powered by OpenSeadragon
Texts on this page
Gpb005.008 - kun tu bzang po klong drug pa'i rgyud