| e-texts navigator |
| བོད་ཡིག |
16b1 rnam gnyis bral// dbang po lnga ni rang gsal la// mtshan ma rnams ni sbubs su nub// dbugs la brten pa'i 'gro 'ong zad// bar snang dag la gnas bcas nas// phan tshun 'khor dang langs par byed// 'gro
16b2 dang 'greng dang nyal ba dang // bskyod cing rgyug pa'i rnam pa rnams// bar snang nyid las gzhan ci min// rang las 'od byung snang ba las// nyi zla la sogs 'od mi snang // gos med 'jam pa'i ngang tshul
16b3 can// mdzes zhing ldem bag ldan pa la// bag yangs rnam shes gud med par// bsam gtan dang por gnas pa bzhin// mngon du bya dang byed pa bral// gzugs med las kyi 'gyur byed ltar// khams dang
16b4 gud bcas las mi snang // khyad par snying po'i pad+ma las// stong dang rtsa gcig gzugs rnams ni// 'ja' tshon sgyu ma ji bzhin du// sangs rgyas rnams kyi gzugs sku'o// de yi khyad par ston pa'i gzugs// ris
16b5 can 'od zer dpag tu med// nga ni lha bu dga' byed ste// dbang phyugs rdzogs pa'i lus blangs nas// ston pa'i gsung gi 'od zer khyim// rang bzhin gyis ni bde ba rnyed// de tshe mdzad pa'i byin rlabs
16b6 las// drug cu rtsa bzhi'i 'od skar ni// bar snang nyid las gzugs bkod par// sus kyang byas pa med par snang // khyad par yang zhun bcu bdun ni// bstan pa dam pa rdzogs pa'i phyir// sku gsung thugs kyis
iiif viewer powered by OpenSeadragon
Texts on this page
Gpb005.002 - rin po che 'byung bar byed pa sgra thal 'gyur chen po'i rgyud