| e-texts navigator |
| བོད་ཡིག |
130a1 'gyur ba med pa/ san yang dag pa'i rig pa/ d+hi chos nyid skye ba med pa las ni khro thams cad 'byung ba'i tshul bstan pa/ dar pa chos can mtshan ma las 'das pa/ a a sgre med dmigs pa med pa'o// zhes brjod pas 'khor rnams kyis
130a2 yang dag pa'i don thugs su chud do// de nas yang 'di skad ces bsgrags so// bud+d+ha sangs rgyas kyi ye shes/ sarba chos thams cad kyi dgongs pa tshig las 'das pa/ d+ha brdal ba phun sum tshogs pa/ thim dbyings rnam par dag pa chos nyid skye ba med
130a3 pa'i ngang du thim/ d+ha thim mnyam pa nyid sme shi dang bral ba'i rig pa dus gsum du mi 'gyur ba/ a rig pa 'gyur med dbyings dang ye shes gnyis su med pa'i don/ laM rig pa dus thams cad du rtag pa ye shes kyi snying po// kaM kun la yod pa/ b+ha de'i don go bar dka' ba/
130a4 i ha don gyi sring po bskad dang bral ba/ i ha 'dzin pa med pa/ oM ma hA'i don ston pa/ AHa nu'i don ston pa/ hUM a ti'i don ston pa/ a na skye ba med pa la sgre bar snang ba/ zhes brjod nas mi snang ba'i ngang du gshegs so// de nas yang
130a5 gsang ba'i bdag pos 'di skad ces gsol to/ kye ma kye hud thugs rjes zung / zhes gsol pa dang / nam mkha' nas sgra 'di bsgrags so// sha shes rab kyi bdag nyid/ sa 'gyur ba med pa'i chos nyid/ ma gzhi ma bcos gsal ba/
130a6 'a'astong pa'i ye shes/ a b+ha ma~M yang byung a ga ga/ a skye ba med pa la skye bar ston pa 'gyur ba med pa shes rab kyi bdag nyid rig dbyings stong pa skad cig ma la grub pa chos nyid ma bcos pa gnyis su med pa'o// oM A hUM/ de yang bskyed rdzogs gsum 'du 'bral med pa'i don
iiif viewer powered by OpenSeadragon
Texts on this page
Gpb005.004 - rdo rje sems dpa' snying gi me long gi rgyud