rKTs

e-texts navigator

Page

11b₁ ba'i sems bskyed nas// rdo rje 'chang la 'di skad gsol// kye kye ston pa rdo rje 'chang // da lta bsgoms shing bsgrubs pa yis// rnal 'byor skal ldan goms sems la// rtags ni de ltar 'byung bas na// rnal
11b₂ 'byor skal dang ldan pa zhig/ snying po nges pa 'di rnyed nas// 'di la goms par ma nus te// dbyings dang ye shes rig pa la// gang gis 'byor ba'i tshad med ni// 'on te skal dang ldan pa des// 'di nyid
11b₃ goms par byed dus su// lus ni dang po/ 'byung bas bskyed pas na// 'di dus 'byung ba nang mi mthun pas/ byer zug las// 'byung ba'i/ phung po'i lus kyi rten 'gyel te// 'byung ba rang sar ma dag pas// zug pa dus su
11b₄ yi ni 'byung ba la// nad kyi btab par gyur nas ni// skyes bu tshe yi dus byed dus// gong ma gong ma'i long med par// 'gyur ba'i skal dang ldan pa la// lhag ma zag pa'i phung po la// phyi rtags ji ltar 'byung ba
11b₅ lags// yang na rtags med mi grol lam// 'di kun ji ltar 'gyur ba lags// 'di kun ston pas bdag la yang // thugs kyi dkyil nas bcud phyung nas// bdag la 'di yi chos kun yang // ston pa thugs rje
11b₆ chen po yis// bdag la rim pa ji lta bar// bka' stsal zhu'o bcom ldan 'das// de nas ston pa rdo rje 'chang // 'di skad tshig gi snying por yang // chos kyi dbyings kyi rang bzhin las// ston pa yis ni gsungs

_{iiif viewer powered by OpenSeadragon}

11a - 12a

Texts on this page