| e-texts navigator |
| བོད་ཡིག |
118b1 rtags// gru gsum steng du thod pa mon pa'i thod pa/ rabs chad nag po'i thod pa/ skyes pa grir shi ba'i thod pa/ zod pa'i nang du sU tsa ka lis brgyan/ gsum bzhag ste/ thod pa'i nang du sha khrag sna tshogs blugs la bzhag phyi nang gi chos 'dus pa'i
118b2 rtags// zla gam gsum gyi steng du bkra shis bum pa gsum/ nang du shel dung rin po che tshogs tshad de'i nang du sman sna tshogs blugs la/ dar dmar pos mgul chings bya'o// zhing khams na snang ba thams cad snang ba mtha' yas kyi zhing gi
118b3 rtags// rtsibs brgyad steng du khro mchog sems dpa' brgyad rang la yod pa'i rtags/ sku tsaka li brgyad bzhag/ gru chad rigs bzhi'i rtags steng du rin chen/ bkra shis rdzas brgyad bzhag/ me long lnga ye shes lnga'i rtags dang rma bya lnga
118b4 'od lnga'i rtags gzhag par bya/ de yi sgrub thabs bzhin du shes par bya// rdzas kyi dbang rnams dang po bum pa nas rim bzhin bskur// bskur ba'i gnas ni tshangs pa'i bu ga'o// de ltar phyi nang gi dbang rdzogs
118b5 nas// gsang ba'i dbang gsang ba gtan chags dbang la 'jug par bya'o// gzungs ma mtshan dang ldan pa la/ gzungs ma'i mtshan nyid ni/ med 'ong ma rked pa phral mo legs pa chags dam pa/ mig dkar nag byed pa/ ma he Tu rtsa gcig lon pa/
118b6 ma skyes pa/ skyes pa dang ma phrad pa/ yang na lo bco lnga lon pa'o// yang na sum cu rtsa lnga lon pa'o// shes rab che la rigs btsun pa// yang na sum cu so brgyad lon pa'o// spyi'i mtshan nyid sked pa phra ba/ so thags bzang ba/ 'gram pa ring ba/ sha dkar ba/ ska li ba/ de ni spyi yi
iiif viewer powered by OpenSeadragon
Texts on this page
Gpb005.004 - rdo rje sems dpa' snying gi me long gi rgyud