| e-texts navigator |
| བོད་ཡིག |
89a1 mchog tshogs 'di ni// yab yum gnyis med tshul gyis bzhes su gsol// byang phyogs 'khor lo'i rtsibs steng na// don yod grub pa gnyis med gar bsgyur zhing // 'du 'bral med pa'i tshul du
89a2 yab yum sbyor// longs spyod ma lus 'dus pa'i rdzas chen 'di// bdag nyid mnyam par bzhag pa'i tshul 'dis 'bul lags na// yab yum gnyis med tshul gyis bzhes su gsol// byang shar 'khor lo'i
89a3 rtsibs steng na// rdo rje sems dpa' gnyis med gyur pa'i tshul// phyag na rdo rje dpa' bo'i tshul gyis bstan// spyan ras gzigs dbang 'gro ba stobs kyis 'dul// sku mdog 'od zer lnga yi phreng ba can// dgyes
89a4 te 'dzum pa'i tshul gyis glu blangs pas// sems dpa'i tshogs la gnyis med mchod par 'bul// pi wang sgra dang gling bu'i sgra 'byin pa// sna tshogs sgra yi mchod pa dam pa 'bul// rdzas dang longs spyod thams
89a5 cad mchod pa'i mthus// sems dpa' sems ma rnams la mchod par 'bral// rin chen sems dpa' pad ma'i sems dpa' dang // chos kyi sems dpa' las kyi sems dpa' la// gnyis med mthun sbyor
89a6 tshogs mchod dam pa 'bul// phyogs skyong yab yum dang ni thub pa drug/ zhi ba'i lha tshogs kun la mchod par 'bul// gzugs dang sgra dang dri dang ro// 'dod yon lnga ldan mchod par 'bul// a li u li hA li
iiif viewer powered by OpenSeadragon
Texts on this page
Gpb004.001 - sku thams cad kyi snang ba ston pa / dbang rdzogs pa rang byung chen po'i rgyud