| e-texts navigator |
| བོད་ཡིག |
358b1 rgyud las/ yongs su bzung bar gtad pa'i le'u ste bcu pa'o// // rgyud chen po'i lde mig tu bstan pa// ston pa stobs ldan chen pos/ dur khrod me ri 'bar bar/ 'khor rnams kyi rtog pa bsal ba/ rgyud
358b2 kyi lde mig du gsungs pa'i rgyud/ rig pa rang grol chen po rgyud ces bya ba/ rdzogs pa chen po'i don bstan pa rdzogs so// // spyi/ rgya rgya rgya/ sngags kyi srung mas srungs shig/ sa ma yA/ rig pa rang grol rgyud
358b3 la ma bu bzhi// / @#// rgya gar skad du/ rat+na ku Ta ma ha gu Nod+hiSh+Tha tan+ta rA dza nA ma/ bod skad du/ rin chen spungs pa yon tan chen po ston pa rgyud kyi rgyal po zhes bya ba/ bcom ldan 'das
358b4 dpal kun tu bzang po mnyam pa nyid du shes pa kun gyi rje la phyag 'tshal lo// 'di skad bdag gis bstan pa'i dus gcig na/ snang ba rnam par dag pa sna tshogs le'u lnga ston thun mong ma yin pa'i gleng gzhi tshig dang yi ge
358b5 pa dang yon tan thams cad kyi 'byung khungs/ gnyis su med pa rin po che'i gzhi gsal ba tshad med cing / gzhal du med/ dpag tu med/ dmigs su med/ bltar med pa'i dkyil 'khor chen po rang shar// mi
358b6 'gyur ba'i ye shes lnga'i rol bar rang shar nas// theg pa spyi dang rang gi lta ba gcig ma yin/ tha dad ma yin// gnas phun sum tshogs pa/ mnyam pa ma yin/ mi mnyam pa ma yin/ so so ma yin gcig tu mi gnas
iiif viewer powered by OpenSeadragon
Texts on this page
Gpb004.004 - rig pa rang grol chen po thams cad 'grol ba'i rgyud
Gpb004.005 - rin chen spungs pa yon tan chen po ston pa rgyud kyi rgyal po