| e-texts navigator |
| བོད་ཡིག |
230b1 yengs tshul gyis gus par nyon// rang snang chos nyid nam mkha' la// ma bskyod pa ni rtogs pa'i mchog/ dus gsum 'gyur ba med pa'i klong yangs nas// bsgom du med pa'i don byung ba// yang dag nges pa'i
230b2 lung 'byung chen po 'di// gang las ma byung rig pa nyid las shar// bsgom du med pa'i don ni gang yang ma spangs te// 'dzin chags med na bla med rnyed pa yin// mchod pa med na lha rnams 'grub pa
230b3 yin// bzlas su med na snying po rdzogs pa yin// bsgrub tu med na dngos grub rnyed pa yin// bsam pa med na chos sku chen po yin// 'byung ba lnga dang sangs rgyas lnga// dbyer med gcig gi ngo bor rtogs// rig
230b4 pa gsal 'grib med pa dang // ma rig sna tshogs snang ba gnyis// dbyer med gcig gi ngo bor rtogs// skye dang 'chi ba med pa rig pa chos kyi sku// rtog med ngang du gnyis med tshul gyis rtogs// yongs su kun
230b5 la khyab pas snang mtha' yas// snang srid kun la khyab pas kun gzhi klong yangs na// rig pa rang la khyab pas ye shes rol par snang // mtha' la thug pa med par ye shes rang la yod pa'o// de nas yang zhus pa/
230b6 kye kye thugs rje chen po dang ldan pas// bdag cag rnams la thabs dam pa bstan du gsol// zhes zhus so// de nas yang bka' stsal pa/ kye nyon cig/ ngas bstan gyis legs par zung zhig/ de bzhin
iiif viewer powered by OpenSeadragon
Texts on this page
Gpb004.003 - de bzhin gshegs pa thams kyi ting nge 'dzin yongs su bshad pa / ye shes 'dus pa'i mdo / theg pa chen po / gsang ba bla na med pa'i rgyud / chos thams cad kyi 'byung gnas / sangs rgyas thams cad kyi dgongs pa / gsang sngags gcig pa'i ye shes / rdzogs pa chen po'i don gsal bar byed pa'i rgyud / rig pa rang shar chen po'i rgyud