rKTs

e-texts navigator

Page

132b₁ ro// phyed ma las ni phyed 'gyur ba// de yi 'bras bu rdzogs pa'o// de dag drug cha nyis 'gyur las// zad ka'i 'bras bu rdzogs pa'o// de yi snang gsum rdzogs pa las// zhing khams rnam pa drug 'gyur
132b₂ ro// las kyi 'bras bu nyis 'gyur las// dbang rdzogs 'bras bu gnyis yin no// dbang rdzogs 'bras bu nyis 'gyur las// rang bzhin dbang gi 'bras bu drug/ de ni phyed dang nyis 'gyur las// bzhi rdzogs
132b₃ dbang gi 'bras bu'o// de yi rang bzhin drug las ni// lam gyi dbang gi 'bras bu'o// de yi gcod byed nyis 'gyur las// rang bzhin dbang ba'i 'bras bu drug/ de ni phyed dang nyis 'gyur las// bzhi rdzogs
132b₄ dbang gi 'bras bu'o// de yi rang bzhin drug las ni/ khams kyi dbang gi 'bras bu'o// de yi gcod byed rnam drug las// rig pa rtsal dbang 'bras bu'o// de yi 'gyur med 'bras bu las// 'bras bu'i dbang
132b₅ gi 'bras bu'o// de nyid rnam pa gsum las ni// gzhi lam dbang gi 'bras bu'o// de yi lung ni rnam bzhi las// yid ches dbang gi 'bras bu'o// de yi las ni rnam bdun las// mtshon pa dbang gi 'bras
132b₆ bu'o// de ltar rdzogs byed lam lnga las// blo gzhan dbang gi 'bras bu'o// de ltar rtogs pa'i skyes bu des// skye med sa la rnam par phyin// mthar phyin dbang gi 'bras bu'o// rdzogs sangs rgyas dang mnyam sbyor

_{iiif viewer powered by OpenSeadragon}

132a - 133a

Texts on this page