| e-texts navigator |
| བོད་ཡིག |
45a1 nas de la gang gnas pa// rang rig nyid la dbang thob nas// skye ba gzhan du mi len par// sangs rgyas rig 'dzin chen po thob// sems dpa' chen po nga yi don// ji bzhin ma bcos de nyid
45a2 la// ji bzhin pa yi rang bzhin bzhag/ ye shes de nyid ma yin par// bsgrub dang bsgrub bya ga la yod// de la ye shes mngon gyur na// med la mi zad 'byung ba'i gter// khams gsum rin chen rnyed pa'i
45a3 mi// ci ltar 'dod pa bzhin du 'byung // ye shes chen po 'di rtogs pas// che ba'i yon tan rgyun mi chad// ming yang kun 'byung rin chen gter// de bzhin nyid du kun rig na// 'khor ba dang ni mya ngan
45a4 'das// so sor snang ba ma yin te// ji bzhin pa de rtogs nges na// de la 'khor ba'i rang bzhin med// rdo rje snying po de nyon cig/ ma bcos pa yi man ngag gi// lta ba yangs pa'i nam mkha' la// 'dzin rtogs
45a5 med pa'i ye shes gsal// gang yang ma spangs lhun gyis grub// mun pa 'thib pa de dag gis// mi g.yo mi rtog ye nyid blta// de mthong mun pa rnam dag sangs// sangs rgyas kun gyi mchog tu bshad// rdzogs pa
45a6 chen po lta ba thams cad kyi snying po las/ byang chub sems kyi che ba bstan pa'i le'u ste bcu bdun pa'o// // de nas sems dpa' rdo rje yis// 'dus pa'i tshogs la phan gdags phyir// kun rig
iiif viewer powered by OpenSeadragon
Texts on this page
Gpb003.002 - rdzogs pa chen po'i lta ba thams cad kyi snying po'i rgyud