| e-texts navigator |
| བོད་ཡིག |
345b1 'thungs nad 'thon skye 'chi med// de ltar gyur kyang rgya mtsho de// zad pa med cing 'phel ba med// gang ba med cing stongs pa med// ces gsungs so// dpe bstan pa'i le'u ste drug cu pa'o// // de nas
345b2 rang snang khye'u chung gis// mu mtha' yongs grol ston pa la// dpe mtshon bdud rtsi ji ltar 'khyil// zhes zhus pa dang // ston pas 'khor la bka' stsal pa// yongs rdzogs thod rgal bdud rtsi'i rgya mtsho ni// chos
345b3 nyid gting mtha' med pa'i rgya mtsho dang // chos can rig pa mtha' grol bdud rtsi dang // grol gyur mngon sangs rgyas pa'i bdud rtsi'o// de las dang po chos nyid kha gting du// med pa'i gdams ngag bdud rtsi
345b4 bstan pa ni// sna tshogs snang ba ye med dngos po med// dngos med gting gsal kha gsal snying por grol// gshis kyi gnas lugs nges pa dam pa nyid// thog mtha'i ming med blo 'das mtshon du med// skye med
345b5 ka dag dngos med zang ka ma// so ma rnal ma rang 'khrungs ye nas grub// ye sangs ye rgyas ye zin ye rdzogs so// ming med mtha' stongs bsam brjod dmigs yul grol// zhes gsungs so// chos nyid mu med
345b6 gting yangs rgya mtshor 'khyil pa'i le'u ste re gcig pa'o// // de nas rang snang khye'u chung gis// mu mtha' yongs grol ston pa la// chos can rig pa'i mu mtha' rnams// yongs grol bdud rtsi'i rgya mtsho
iiif viewer powered by OpenSeadragon
Texts on this page
Gpb003.023 - rgyud thams cad kyi rgyal po nyi zla'i snying po 'od 'bar ba bdud rtsi'i rgya mtsho 'khyil pa'i rgyud