rKTs

e-texts navigator

Page

342b₁ khrod kyi bdag mo 'bar ma'i gdong can ma bya bas sems can thams cad kyi srog bcad/ sha zos khrag 'thungs pas 'gro drug g.yang sa bcad de/ sems can thams cad mi mngon pa'i dbyings su ye sangs rgyas
342b₂ pa'i man ngag go/ yang rin po che stong ldan gyi lha khang na/ shel sku ka dag chen po la 'khor gzi'i snying dang nor bu chu dngas kyis bskor ba'i man ngag go/ zhes gsungs so// mkha' 'gro ma gsang ba'i brda' chos
342b₃ bstan pa'i le'u ste nga gcig pa'o// // de nas rang snang khye'u chung gis// mu mtha' yongs grol ston pa la// sangs rgyas ngo sprod brda' chos gang // zhes zhus pa dang / ston pas 'khor la bka' stsal
342b₄ pa// 'khor rnams ma yengs gus par nyon// mkha' dbyings gsal ba'i 'od khang nas// 'od lnga zang thal du shar ba'i man ngag go/ yang mun pa'i smag rum 'thims pa'i nang du gsal ba'i nyi ma shar bas mun
342b₅ pa ka nas dag ste/ snang srid thams cad gsal ba'i 'od kyis khengs pa'i man ngag go/ yang snang ba'i 'od kyi lha khang dang / mun pa'i 'khor khang chen mo gnyis yod de/ mun pa'i sgo bcad nas/ ye shes kyi 'char
342b₆ sgo phye bas/ snang srid 'khor 'das kyi sems can thams cad sangs rgyas su gzigs shing mthong ba'i man ngag go/ ngo sprod brda' chos bstan pa'i le'u ste nga gnyis pa'o// // de nas rang snang khye'u

_{iiif viewer powered by OpenSeadragon}

342a - 343a

Texts on this page