| e-texts navigator |
| བོད་ཡིག |
324a1 gcod de// sku gsung thugs kyi bdud rtsis bcom// gsang ba skye med ka dag gi/ bdud rtsi chen po bstan pa ni// chos nyid gting mtha' yangs pa dang // chos can rig pa mu mtha' grol// snying po
324a2 skye ba med pa dang / yan lag ma 'gags ka nas dag/ dngos med rnal mar gnas pa dang // snying po lhun grub 'pho 'gyur med// gsang ba blo yi spyod yul min// skye med ka dag bdud rtsi'o// bdud rtsi rnam
324a3 gsum gdams ngag 'dis// rnam pa gsum grol sku gsung thugs// zhes gsungs so// nyi zla'i snying po 'od 'bar ba bdud rtsi'i rgya mtsho 'khyil ba'i rgyud las/ grol thabs kyi gdams ngag bstan pa'i le'u ste
324a4 bdun pa'o// // de nas rang snang khye'u chung gis// mu mtha' yongs su grol ba la// grol ba'i 'bras bu ji ltar thob// ces zhus pa dang / ston pas 'khor la bka' stsal pa// grol ba'i 'bras bu thob lugs
324a5 las// snang ba grol ba'i 'bras bu ni// gsal dag zang thal chos kyi dbyings// rig pa grol ba'i 'bras bu ni// skye med ka dag chen po thob// sems gzhi grol ba'i 'bras bu ni// dngos med gting yang sa chen
324a6 po thob// phyi dang nang dang gsang ba gsum// snang ba rig pa sems gzhi gsum// snang grol rig med skye med grol// zhes gsungs so// nyi zla'i snying po 'od 'bar ba bdud rtsi'i rgya mtsho 'khyil pa'i rgyud las//
iiif viewer powered by OpenSeadragon
Texts on this page
Gpb003.023 - rgyud thams cad kyi rgyal po nyi zla'i snying po 'od 'bar ba bdud rtsi'i rgya mtsho 'khyil pa'i rgyud