| e-texts navigator |
| བོད་ཡིག |
315a1 bzhi pa'o// // de nas rdo rje 'dzin pas zhus pa/ kye kye bcom ldan mkhyen gsal rig/ shes rab sku lnga ka nas ji ltar dag/ shes rab sku lnga'i bzhugs tshul ji ltar gsal// dri ma phra
315a2 rags rtsal snang ji ltar gsal// dag pa'i ngang du grol thabs ji ltar lags// 'dus pa'i tshogs la nges par bka' stsol cig/ rdo rje 'chang gis bka' stsal pa// rdo rje 'dzin pa nges zung zhig/ chos sku snying po
315a3 'byung lngar ldan// rang gi rig pa mi 'gag par// bum pa'i nang gi mar me bzhin// 'byung lnga'i go nas rig pa 'gyur// dbugs med 'gyu ba ye shes rlung // shes rab gsal ba lngar ldan pas// 'od kyi mtshan
315a4 ma ka nas dag/ gsal ba'i me tog shes rab sku lnga la// ma rig las byung yul gyi rjes 'brangs pas// dngos mtshan gzugs med rnam rtog chas// gsal 'grib skye dang 'gags par bcas// yid gnyis
315a5 mtshan mar zhen snang ka nas dag/ de med de 'dzin pa yi zhen pa ka nas dag/ shes rab sku lnga'i 'dug tshul ni// chos sku 'byung lnga'i rang bzhin can// mi g.yo gsal la mi rtog pa// phyogs lhung med pa'i shes
315a6 rab la// chos sku dran rtog med pa'i thugs// snying po bcud 'dril mtshan ma med pa'i sku// sku yi rang bzhin snying po 'byung ba lnga// dngos med 'gyur med yon tan dri ma med// thog ma gnyis med 'byung ba lnga yi
iiif viewer powered by OpenSeadragon
Texts on this page
Gpb003.022 - dri med ka dag gi rgyud / rin po che gsal ba chen po