| e-texts navigator |
| བོད་ཡིག |
30a1 gnyis kyis// snang ba dag dang ma dag gnyis su 'byung // de phyir gzhi la chos can chos nyid med// rdzogs pa chen po lta ba ye shes gting nas rdzogs pa'i rgyud las/ don gyi bye brag bstan par
30a2 le'u ste so dgu pa'o// // de nas 'dus pa'i 'khor gyi tshogs rnams la// ston pa kun rig chos rje chen po yis// thun mong chos rnams zil gnon bka' stsal pa// khyung chen gshog rgyas mkha' la lding ba
30a3 la// ngam grog g.yang sa rgya mtshor nyam mi nga // de bzhin rang gis sems rtogs rnal 'byor pas// 'khor ba'i sdug bsngal zil gnon gnod mi nus// seng ge rtsal rdzogs gangs gong nyal ba la// gcan
30a4 gzan char lhag zil gnon gnod mi nus// de bzhin rnal 'byor gdeng chen ldan pa yis// khams gsum 'khor ba'i gol sgrib zil gyis gnon// de yang 'dus pa'i rdo rje sems dpa' nyon// snang med chos sku
30a5 sa don rtogs pa la// mtshan ma sna tshogs snang rung mi snang rung // ske 'chi med pa'i ye shes don rtogs na// rgyu rkyen 'dus byas rtag rung mi rtag rung // ye nas chos sku yin pas don rtogs na// da bzod rtsol
30a6 ba byed rung mi byed rung // gzhi la gnyis med nges pa'i don mthong na// gcig dang du mar byed rung mi byed rung // mnyam pa nyid kyi ye shes don rtogs na// mtho dman bzang ngan byed rung mi byed rung // rang
iiif viewer powered by OpenSeadragon
Texts on this page
Gpb003.001 - rdzogs pa chen po ma rig mun pa rab tu sel bar byed pa'i lta ba ye shes gting nas rdzogs pa'i rgyud