| e-texts navigator |
| བོད་ཡིག |
243b1 gsungs so// thig le kun 'dus bstan pa'i le'u ste brgyad pa'o// / de nas gsal dngas rin chen gyis// kun gsal gdams ngag ji ltar lags// zhes zhus pa dang / ston pas 'khor la
243b2 bka' stsal pa// ka dag nyid la smrar med kyang // blo dman rtogs par bya phyir bshad// dngos med ka dag rang bzhin ni// brtag par dka' zhing bstan par dka'// brjod pa'i tha snyad bral phyir ro// sems
243b3 nyid kyi gzhi rtsa rgyud btsal ba'i phyir/ gang gis rang la rang bltas pa'i dus na/ nang gi sems ma mthong / phyi'i sems ma mthong / phung po dang / khams dang / 'du byed la sems ma mthong ngo // des sems ma
243b4 mthong ba dang / sems de gang nas byung bltas pas/ de'i tshe sems de gang nas kyang ma byung / gang du yang ma song / gang du yang mi gnas pas ka dag dngos po med/ sangs rgyas nyag gcig gi dgongs pa dam
243b5 pa/ sgrar med pa rtog dpyod thams cad dang bral ba/ 'di zhes mtshon du med pa/ rtag par dka' zhing / brtan par dka' la/ brjod pa'i tha snyad rnams dang bral ba/ dpe dang bral ba nam mkha' las kyang
243b6 bskrun du yod pa ma yin no// tshad med pa/ tshad dang bral ba/ tshad ma'am/ gtan tshigs sam/ dpag pas mi dpogs pa ste/ gang la'ang rag ma las pas/ sems la gnas med pa/ rten med pa/ chad pa ma
iiif viewer powered by OpenSeadragon
Texts on this page
Gpb003.015 - rin po che spyi gnad skyon sel thig le kun gsal kyi rgyud