| e-texts navigator |
| བོད་ཡིག |
196a1 rgya'i spyi mdud bcad pa 'dra// nyon mongs brgyad khri'i dmag dpung 'di// rten pa med par rang brlags pas// 'khor ba'i g.yul ngo ma lus bzlog/ rdo tshan kha ba babs pa 'dra// snang brtags
196a2 gzung zhe na spros pa 'di// mtha' gsal bar snang rang bcad de// bdag gzhan phyogs bral ming med pa// mtshon cha'i 'khor lo bskor ba 'dra// drang don theg pa'i bya btsal 'di// blang dor med par rang bzhag
196a3 pas// dge sdig las kyi mtha' las grol// mkha' la mdud pa bor ba 'dra// btsal med shugs 'byung thugs rje 'di// 'gag pa med par rang 'char bas// rtsol ba'i phrin las spyad du med// nam mkha'i ngang
196a4 nas cho 'phrul 'dra// yang dag nges don gnas lugs la// 'dra bzhi phyogs mthun dang po yi// rang ngor dpe yis mtshon tshul 'das// nga yi dgu rtse'i spyi ti 'dir// spros pa rang gi thog tu bcad// rang ngo rang
196a5 gis rang la sprad// rang gdang rang grol thog tu bca'// chos 'das rang la rang gis bzla'o// zhes gsungs so// rin po che bdud rtsi bcud thigs sangs rgyas thams cad kyi dgongs pa 'dus pa'i rgyud las//
196a6 'khrul pa'i rtsa ba spros pa rang thog tu bcad pa'i le'u ste brgyad pa'o// // de nas kun rig khye'u chung gis// gsang bdag ston pa la zhus pa// don la 'khrul rtsad mchod na// tshig tu 'byams pa'i nyes pa
iiif viewer powered by OpenSeadragon
Texts on this page
Gpb003.013 - rin po che bdud rtsi bcud thigs kyi rgyud