| e-texts navigator |
| བོད་ཡིག |
17a1 bral// rtog spangs mi rtag bsgom pa'i khar mi 'ong // ye shes lta ba'i shugs las byung ba'i phyir// rnal 'byor dmigs pa'i sems kyis bsgom mi dgos// rnam rtog rang sems ma skyes ye shes
17a2 phyir// dad ldan ched du bsgom pa bsten mi dgos// sems dpa' 'dus pa'i snying po de yang nyon// yul gyi snang ba spyod yul ma grub phyir// nam mkha' lta bur ye shes rang shar bas// rang sems chos sku'i ngang
17a3 du don rtogs pas// rnal 'byor ci yang yid la mi bsgoms na// yang dag lta ba'i don dang mthun par grub// rdo rje sems dpa'i snying po de yang nyon// rdzogs chen gol sa bcad phyir bsgom med de// ye shes
17a4 bsgom med dag tu rab rtogs na// bsgoms kyang skyon med chos dbyings nam mkha' 'dra// bsgom med des ni kun gyi re ba bskangs// kun la khyab phyir ma rdzogs med mod kyis// kun gyis gdams ngag ma
17a5 'phrad rtogs par dka'// rdzogs pa chen po lta ba ye shes gting nas rdzogs pa'i rgyud las/ ma bsgoms 'bral ba med pa'i le'u ste nyi shu gcig pa'o// // kun rig rgyal po chos rjes bka' stsal pa// rang
17a6 sems ngo bo nyid kyi chos sku ni// dbang po mngon sum mi gnas kun la khyab// chos sku tshig tu 'di zhes bstan pa ni// rdo rje sems dpa' nyid kyis mtshon du med// de yang rdo rje sems dpa' yid kyis
iiif viewer powered by OpenSeadragon
Texts on this page
Gpb003.001 - rdzogs pa chen po ma rig mun pa rab tu sel bar byed pa'i lta ba ye shes gting nas rdzogs pa'i rgyud