| e-texts navigator |
| བོད་ཡིག |
129b1 'khor la 'di skad gsungs/ rdo rje sems dpa' yid la zung // snang srid kha sbyor bya ba ni// snang ba phyi yis yul la bya// srid pa nang gi sems la bya// kha sbyor gnyis su med pa yin// snang ba sgo lnga'i rtags yul
129b2 yin// srid pa rnam shes rnam lnga yin// kha sbyor mi 'gyur rtsis gdab med// snang ba phyi yis dkar dmar yul// srid pa sems kyi dran rig go// kha sbyor dbye bsal med pa yin// snang ba sgo lnga'i rnam shes
129b3 yin// srid pa 'gyu lugs rnam lnga yin// kha sbyor mi 'gyu mi 'jug brtags chags med// snang ba phyi snod gling bzhi chags tshul yul// srid pa sems can skye 'gro yid gzugs yin// kha sbyor bzang ngan dgag
129b4 bsgrub med// bdud ni sems kyi rtog tshogs yin// rtsi ni ye shes chen po yin// bdud ni mun pa'i 'khor sgo yin// rtsi ni ye shes rig pa'i 'char sgo yin// bdud ni 'khrul lugs rnam gsum yin// rtsi ni ldog
129b5 lugs rnam gsum yin// bdud ni khams gsum 'khrul pa ste// rtsi ni 'khrul gzhi rtsad gcod yin// bdud ni nyon mongs dug gsum yin// rtsi ni sku gsung thugs yin no// bdud ni nyon mongs dug lnga
129b6 yin// rtsi ni sku lnga ye shes lnga// bdud ni nyon mongs brgyad khri stong // rtsi ni chos sgo brgyad khri stong // bdud ni khams gsum 'khor ba'i sems// rtsi ni sku gsum rgyal ba'i thugs// bdud ni 'khor ba'i sems
iiif viewer powered by OpenSeadragon
Texts on this page
Gpb003.010 - snang srid kha sbyor bdud rtsi chu thig 'khor ba thog mtha' gcod pa'i rgyud