| e-texts navigator |
| བོད་ཡིག |
8b1 snang ji ltar byung // de skad ces ni zhus ma zag/ sangs rgyas nam mkha'i snying po de// ut+pa la yis thugs dgyes te// zhus pa'i lan de bka' stsal pa// gzhi la snang med nam mkha' 'dra// ma rig rkyen byas
8b2 gzung 'dzin gyis// rang gi gzhan snang 'khrul pa'i phyir// bag chags snang ba sprin ltar byung // de skad ces ni gsungs pa yis// snang ba yod med the tshom chod// zhu ba zhus phyir nges pa rnyed// de phyir 'bras bu
8b3 mngon du gyur// de yang 'dus pa'i snying po nyon// yon tan rgyas pa'i zhing khams na// sangs rgyas 'bum gzigs bya ba de// nyid kyis dad nyan 'khor rnams la// btsal med 'bras bu'i chos rnams ston// de la
8b4 bskor ba byas nas ni// kun nas yid ches dad pa yis// nges don zhu ba'i rten du yang // pad+ma gser gyi mdog can phul// de la nges pa'i don zhus pa// 'bral med rgyun gyi ting 'dzin gyis// rig pa phyi nang
8b5 med pa la// mnyam bzhag rjes thob 'ong ba ci// de skad zhus pa'i don gsan nas// sangs rgyas 'bum gzigs bzhugs pa de// gser gyi pad+mos thugs dgyes nas// zhus pa'i lan de bka' stsal pa// ye
8b6 shes rig pa 'di nyid la// mnyam bzhag rjes thob gdod nas med// nges don 'di med sgom chen la// sgo lnga'i yul la rjes thob byung // de skad ces ni gsungs pa yis// mnyam bzhag rjes thob the tshom chod//
iiif viewer powered by OpenSeadragon
Texts on this page
Gpb002.005 - rdzogs pa chen po nges don thams cad 'dus pa / ye shes nam mkha' dang mnyam pa'i rgyud / lta bsgom thams cad kyi snying po / rin po che rnam par bkod pa