| e-texts navigator |
| བོད་ཡིག |
65a1 rang rig ye shes ngang du gnas// dper na 'jigs med lam bgrod kyang // rang lus dang 'dra nyam pa med// de bzhin chos nyid rang gnas pas// re dogs gol sgrib med par gnas// phyi drod
65a2 yul dang kha dog rdzogs// mtshan ma'i zhen pa mi skye na// chags bral chos dbyings drod ces bya// phyi rtags yul drug ma zhen par// zhing khams mthong dang dbang bskur dang // mchod brten 'od kyi gang bar
65a3 'byung // de tshe 'khor ba'i zhen pa ldog/ 'bras bu rnal 'byor tshe 'phos te// rig btsun mi lus thob nas ni// lung ldan rkyen 'phrad shes pa 'char// de tshe chos sku'i bden pa mthong // da yang 'dus pa'i snying po
65a4 nyon// lhag mthong rig pa'i ngang bzhag tshe// snga phyi gol sgrib rang dengs nas// ye shes rang shar don dang ldan// nyin mtshan 'das kyi bar dor gnas// ngang la gnas pa'i mthun dpe ni// ma bskyod rgya mtsho
65a5 dngas pa dang // gsal la mi g.yo mar me 'dra// rang byung rig pa'i chos nyid gsal// nang drod ye shes rang sar gnas// the tshom byung tshor rkyen dang bral// de yi ngang du nyon mongs dengs// nyin mtshan 'das
65a6 pa'i rtog pa med// nang rtags mngon shes drug 'byung nas// zas nor chags chung nyon mongs med// snying rje phan sems rab tu ldan// lhas bstan rmi lam bzang po 'byung // rnal 'byor chos nyid dbang thob mi//
iiif viewer powered by OpenSeadragon
Texts on this page
Gpb002.005 - rdzogs pa chen po nges don thams cad 'dus pa / ye shes nam mkha' dang mnyam pa'i rgyud / lta bsgom thams cad kyi snying po / rin po che rnam par bkod pa