| e-texts navigator |
| བོད་ཡིག |
59a1 po nyon// skye shi gnyis kyi bar do la// thar bar 'dod pa'i dad ldan gyis// las dang thugs rje 'dzom pa yi// lung ldan nges pa'i gdams ngag gis// lung ldan nges pa'i bla ma la// nges don rgyud
59a2 'di ngo sprad phyir// gdams ngag zhu phyir chags med pas// lus srog rdzas la mi ltos pas// bla ma mnyes par byas gyur na// gdams ngag can kun rang sems rtogs// de yang 'dus pa'i snying po nyon// ma shi
59a3 ma skyes par do ni// da lta lus 'di blang ba'i tshe// nges don chos 'di 'phrad gyur na// skye ba 'di yis sangs rgyas 'grub// rdzogs pa chen po nges don thams cad 'dus pa/ ye shes nam mkha' dang mnyam
59a4 pa'i rgud las/ skye shi bar do bstan pa'i le'u ste nga drug pa'o// // de nas kun rig chos rje yis// 'dus pa'i 'khor la bka' stsal pa// yul sems gnyis kyi bar do la// phyi yi gol sa bcad pa'i
59a5 phyir// yul gyi snang ba cir snang yang // snang ba mi 'gog zhen pa 'geg/ de phyir zhen med chos kyi dbyings// de yang 'dus pa'i snying po nyon// spang sdud med phyir cir snang yang // dgag gzhi kun dang bral ba'i
59a6 phyir// dbang po rang yan btang gyur kyang // sgro skur med phyir gnas lugs yin// sngon gyi sangs rgyas rnams kyis kyang // dbang po rang yan ma brtul kyang // nam mkha' 'dra ste mthar ma lhung // de phyir gzhi
iiif viewer powered by OpenSeadragon
Texts on this page
Gpb002.005 - rdzogs pa chen po nges don thams cad 'dus pa / ye shes nam mkha' dang mnyam pa'i rgyud / lta bsgom thams cad kyi snying po / rin po che rnam par bkod pa