| e-texts navigator |
| བོད་ཡིག |
56b1 de nas 'dus pa'i tshogs rnams la// kun rig ston pa chos rje yis// rdzogs chen rang gzhung gsungs pa'i don// ched du dgongs te bka' stsal pa// nga yi rang bzhin brtags dka' ste// 'jug sgo lta ba bsgom
56b2 pa dang // dam tshig spyod pa phrin las dang // lam dang gnas dang ye shes chos// rnam pa bcu ni ngas bshad nyon// 'jug sgo btsal du med pa yi// lung ldan gdams ngag rjes su 'jug/ de phyir yul la rag ma
56b3 lus// snang med chos la nges shes skyes// lta ba gzhi nges rang byung la// rig pa khyab gad la 'gyur ba med// de phyir rang rig chos kyi sku// de la gol sgrib skyon mi gol// bsgom pa rang gsal rtog pa med// bying
56b4 rgod med pa'i ting 'dzin gsal// ched du mi bsgom rang lugs tsam// de phyir yengs med nyams dang ldan// ma bsrungs 'bral med dam pa'i mchog/ mi 'da' chos nyid dam tshig ste// sangs rgyas kun gyi
56b5 thugs dam yin// phrin las rtsol du med pa ste// gang yang rung ba ci la yang // ma chags mi g.yo phrin las yin// lus ngag bya ba'i las mi dgos// spyod pa blang dor med par spyod// gang yang mi rgyu rgyun du ni//
56b6 ched du byar med yang bya la// de phyir spyod pa ma bcos mchog/ lam la bgrod du mi yod ste// sa la sbrang med mthar mi ltung // de phyir sa dang lam med phyir// ye shes chen po'i klong ni lam// gnas la mtho
iiif viewer powered by OpenSeadragon
Texts on this page
Gpb002.005 - rdzogs pa chen po nges don thams cad 'dus pa / ye shes nam mkha' dang mnyam pa'i rgyud / lta bsgom thams cad kyi snying po / rin po che rnam par bkod pa