| e-texts navigator |
| བོད་ཡིག |
28b1 la sun bton med// dngos su snang yang byung ba min// don dam rang bzhin ngo bor gnas// don du bya ba mi dmigs kyang // rang byung yon tan shugs la rdzogs// dngos su med kyang don du snang // chu zla'i
28b2 dkyil 'khor lta bu la// rang bzhin lhun gyis grub pa yis// rang byung rang la shugs kyis byung // de yang rdo rje sems dpa' nyon// phung po dbye ba 'dus lugs kyang // thun mong theg par sgo bstun phyir// kun
28b3 dang mi 'gal bstan pa yang // drang don yin gyi yang dag min// yang dag nges don yang tig ni// dper na shing tog smin pa la// 'bras bu shugs kyis 'byung ba ltar// chos sku sgrib pa med pa la/ sku gsum ye
28b4 shes lnga rnams kyang // ma btsal ye nas rang bzhin rdzogs// rigs lnga'i sangs rgyas don gyis tshang // thams cad mkhyen pa'i ye shes kun// ma lus thog pa med par mkhyen// rdzogs pa chen po nges don thams
28b5 cad 'dus pa/ ye shes nam mkha' dang mnyam pa'i rgyud las/ thabs la brten mi dgos par yon tan thams cad rdzogs par bstan pa'i le'u nyer gnyis pa'o// // de nas 'dus pa'i
28b6 'khor rnams kyis// kun rig chos kyi rgyal po la// theg pa gzhan dang sgo bstun phyir// phung po rgyu 'bras don zhus pa// phung po rnam pa lnga po yang // yang dag yod dang byin brlabs su// rtag chad bral dang ngo
iiif viewer powered by OpenSeadragon
Texts on this page
Gpb002.005 - rdzogs pa chen po nges don thams cad 'dus pa / ye shes nam mkha' dang mnyam pa'i rgyud / lta bsgom thams cad kyi snying po / rin po che rnam par bkod pa