| e-texts navigator |
| བོད་ཡིག |
189b1 ba rdzun gyi bdud byung na// chos sku tshig las 'das pa'i phyir// bden par 'dzin pa'i skyon dang bral// rdzun la bden med zil gyis mnan// de yang 'dus pa'i snying po nyon// bying ba gsal ba'i bdud byung na//
189b2 gnyid gsum bsres pa'i gdams ngag gis// gti mug chos skur rab thim pas// ye nas lta ba'i zil gyis gnon// rmugs pa bde ba'i bdud byung na// 'phel 'grib med pa'i don shes phyir// bde chen ye
189b3 gnas lta ba la// mnyam nyid rig pas zil gyis mnan// rgod pa mi rtog bdud byung na// snang ba'i bag chags brtas pa las// rang rig bag chags med pa'i phyir// spang sdud zhen med zil gyis mnan// 'phro
189b4 ba mi g.yo'i bdud byung na// ye nas mi g.yo chos sku la// goms pa'i dbang gis ting 'dzin gsal// mi brjed gzungs kyi zil gyis mnan// da yang 'dus pa'i snying po nyon// lha sgom bdud ni de dag kyang //
189b5 rang byung chos sku'i don rtogs pas// gang byung zil mnan rang brlags pas// 'bras bu ye shes lhun gyis grub// rdzogs pa chen po don 'dus rig pa'i gsung / rang byung bde ba'i 'khor lo'i rgud las/ lha
189b6 sgom gyi bdud zil gyis mnan pa'i le'u ste nyer bzhi pa'o// // da yang 'dus pa'i snying po nyon// de don ngang la gnas pa'i tshe// 'du 'dzi longs spyod bdud byung na// ting 'dzin dgra ru shes pa yis//
iiif viewer powered by OpenSeadragon
Texts on this page
Gpb002.006 - rdzogs pa chen po don 'dus rig pa'i gsung rang byung bde ba'i 'khor lo