| e-texts navigator |
| བོད་ཡིག |
180a1 gsang sngags ngo bo nyid kyi sku// sangs rgyas sems can gnyis kyi gsang // rang gsang dam pa'i spyod pa 'dis// sangs rgyas kun gyi nges pa'i don// yang dag byang chub sems la ni// mi dmigs
180a2 pa yang bskyed du med// mi gnas par yang bsam du med// de phyir bya bral nam mkha' 'dra// de yang 'dus pa'i snying po nyon// ma bcos rang byung de bzhin nyid// spyad du med pa'i chos nyid la// ma bsgoms
180a3 dmigs su med pa de// ting nge 'dzin ces btags pa tsam// mi rtog pa yang mi sems par// kun la khyab pa'i ye shes la// kun shong byar med spyod pa'i mchog/ 'dus pa'i 'khor rnams da yang nyon// rang
180a4 sems ngo bo nyid rtogs phyir// yul 'di sems su mi sdud pas// spyad pa'i yul yang med par 'gyur// gang gis gang la bsams shing spyad// dper na nam mkha' stong pa la// dmigs par mi byed sdud mi byed//
180a5 de bzhin sems kyis sems bsgom du// ngo bo 'di 'drar dmigs su med// skyon yon gang yang ma spyad na// gol dang sgrib par ci la 'gyur// spyod pa'i mchog tu de nyid gsungs// de yang rdo rje sems
180a6 dpa' nyon// rgyun du mi 'bral rang rig 'di// nyams myong med par rang gsal bas// de nyid nyams kyi dam pa'i mchog/ mi 'dzin mi spyod rang gsal tsam// 'bral med rgyun gyi spyod par bshad// gal te
iiif viewer powered by OpenSeadragon
Texts on this page
Gpb002.006 - rdzogs pa chen po don 'dus rig pa'i gsung rang byung bde ba'i 'khor lo