| e-texts navigator |
| བོད་ཡིག |
17a1 'khrul pa yis// rgyu 'bras log pa'i brtul zhugs kyis// thar lam mi thob 'khor bar ltung // mar 'dod bye ma btsir ba bzhin// de yang 'dus pa'i snying po nyon// ye med chad par 'dod pa ni//
17a2 kha dog dbyibs med chad gzhi byas// snga phyi rgyu 'bras med par 'khrul// skur btab dmyal ba chen por ltung // chad du ma ster rig par yod// de phyir gzhi la gol med pas// rang byung ye shes klong na gnas//
17a3 da yang 'khor gyi snying po nyon// phung pos bsdus pa'i chos rnams kun// dang po ye med stong pa las// glo bur zil tsam phra rags skyed// de las yid sems cha phra byung // rgyu rkyen dag las byung ba ste// byung yang
17a4 'byung ba bzhi las byung // las kyi rgyu 'bras med par ni// 'byung ba lnga zhig rang thim nas// me shi thal ba rlung khyer 'dra// da yang 'khor gyi snying po nyon// gnyis ka'i gzhi 'dod mu stegs ni// rig byed smra ba'i
17a5 lta ba ste// rang sems shes pa lung ma bstan// gzhi ni nges pa med pa las// snang ba gang yang mi 'gog 'dod// gdon gyis zin pa'i smyon pa 'dra// de yi 'bras bu nges par ni// sems kyi rtsa ba ma shes pas//
17a6 'byung chen gtos kyi mun pa bzhin// thugs rje'i nyi zer zhags thag chad// dmyal ba'i 'bras bur the tshom med// rdzogs pa chen po nges don thams cad 'dus pa ye shes nam mkha' dang mnyam pa'i rgyud las//
iiif viewer powered by OpenSeadragon
Texts on this page
Gpb002.005 - rdzogs pa chen po nges don thams cad 'dus pa / ye shes nam mkha' dang mnyam pa'i rgyud / lta bsgom thams cad kyi snying po / rin po che rnam par bkod pa