| e-texts navigator |
| བོད་ཡིག |
178b1 rnam smin lus kyi rten bcas pa'i// tha mal kun gzhi gzhi cha la// lung ldan rkyen gyi gdams ngag gis// rang sems chos skur ngo sprad pas// dmigs 'dzin med par ngang gis gsal// gnyug mar gnas la
178b2 'phel 'grib med// yul sems gnyis la spyod dang bral// mtha' dbus mi dmigs dran las 'das// ye nas dag phyir bya ba med// btsal du med pas sems las 'das// kun la khyab pas btsal mi
178b3 dgos// 'gag pa med la rig pa stong // ma byas phyir na 'jigs pa med// rig pa bsal bas rang ngo shes// ji bzhin pa la ma skyes pa// ma bcos rkyen gyis mi 'gyur ba// rtag chad ma yin bsdus pa med// so
178b4 so ma yin 'dres pa med// dngos med sems kyi ting 'dzin gsal// btang bzhag med pa'i chos sku la// bying rgod mi 'byung rgyun du gnas// ye shes don la 'char nub med// de yang 'dus pa'i snying po nyon//
178b5 rang rig ye shes 'di nyid las// bsgom du med phyir yengs pa med// gzungs du med pas zhe la gsal// rang yid ches la khar mi thon// snang srid gsal la zhen pa med// rang rig bya ra dngos med grol//
178b6 dran pa med brlag 'gro 'ong med// dran pa'i rig pa ci byung yang // de nyid dus nas ngos gzung med// de yang 'dus pa'i snying po nyon// yid kyis yul du ma bsgoms kyang // lta ba'i don dang 'bral med phyir//
iiif viewer powered by OpenSeadragon
Texts on this page
Gpb002.006 - rdzogs pa chen po don 'dus rig pa'i gsung rang byung bde ba'i 'khor lo