| e-texts navigator |
| བོད་ཡིག |
172a1 'dzin zhen ldog gzhi la med// ma ki ta yis gang thebs bzhin// lta ba ngo bo nyid rtogs pas// ci dran ma bsgoms chos nyid gsal// bzhag sa med par rgyun du gnas// bi shwas gang byas legs
172a2 pa bzhin// rnal 'byor spyod lam thams cad du// ye shes rtsa ba don gyis zin// nyes pa'i skyon gyis gos pa med// yid bzhin nor bu'i yon tan bzhin// rang sems chos skur don rtogs pas// mi yi lus la
172a3 sangs rgyas thugs// gdul bya gzugs sku shugs las 'byung // de yang rdo rje sems dpa' nyon// de dag ngo bo gcig pa la// tshig gi mtshon pa tha dad kyang // yul med rang gsal nyid du 'dus// rdzogs pa
172a4 chen po don 'dus rig pa'i gsung / rang byung bde ba'i 'khor lo'i rgyud las/ nges don rtsa ba gcig par bstan pa'i le'u ste gnyis pa'o// // de nas rdo rje sems dpa' yis// 'dus pa'i 'khor la phan
172a5 don du// yid kyis dran pas 'di skad gsol// snang med ngo bo gnas lugs gang // gzhi la 'pho 'gyur ji ltar med// sems can kun la ji ltar yod// kun rig rgyal pos bshad du gsol// de skad zhus pas
172a6 don gsan nas// 'dus pa'i 'khor la bka' stsal pa// snang med ngo bo gnas lugs ni// dus gsum med pas sngon rol du// 'das pa bas kyang rang byung snga// rgyu rkyen med pa'i sngon rol du// 'bras bu rang
iiif viewer powered by OpenSeadragon
Texts on this page
Gpb002.006 - rdzogs pa chen po don 'dus rig pa'i gsung rang byung bde ba'i 'khor lo