| e-texts navigator |
| བོད་ཡིག |
128b1 yang rdo rje sems dpa' nyon// lta ba'i ngang la mnyam bzhag tshe// ser sna 'dzin pas sems med pas// chos dang bdag tu ma mchis pas// sbyin pa'i pha rol phyin pa rdzogs// nges don rtogs pa'i rnal 'byor
128b2 pas// lus ngag yid kyi spyod pa yi// mi dge nyes byas mi 'byung bas// tshul khrims pha rol phyin pa rdzogs// rang byung rig pa'i rnal 'byor pas// lta ba nges pa'i gdeng zin pas// chos kyi dbyings su kun shong
128b3 phyir// bzod pa'i pha rol phyin pa rdzogs// nges pa'i lung la yid ches pas// rang byung rig pa shes pa'i phyir// lta ba'i don la ma yengs pas// brtson 'grus pha rol phyin pa rdzogs// snga phyis ma bslad gnyug ma
128b4 la// gzhan du 'dzin bral rang gsal sku// chos nyid don las mi g.yo phyir// bsam gtan pha rol phyin pa rdzogs// zos pa'i shes rab blo sbyangs nas// nges pa'i don ni mthar phyin pas// chos rnams lta bas
128b5 thag chod pas// shes rab pha rol phyin pa rdzogs// da yang rdo rje sems dpa' nyon// lung ldan nges pa'i gdams ngag gis// chos kyi dbyings su shes pa'i phyir// rnam pa gang yang mi 'gog pas// thabs kyis
128b6 pha rol phyin pa rdzogs// sngon nas dge ba'i tshogs bsags pas// bla ma sangs rgyas kun dang phrad// mi gnas bla med don rtogs pas// smon lam pha rol phyin pa rdzogs// thog mtha' ma rig sangs pa las//
iiif viewer powered by OpenSeadragon
Texts on this page
Gpb002.005 - rdzogs pa chen po nges don thams cad 'dus pa / ye shes nam mkha' dang mnyam pa'i rgyud / lta bsgom thams cad kyi snying po / rin po che rnam par bkod pa