| e-texts navigator |
| བོད་ཡིག |
92a1 kyi rtog pa bsal ba'i le'u ste nga dgu pa'o// // de nas kun rig rgyal po yis// rgyud bdag rdo rje sems dpa' la// rang rig rtogs don 'di skad gsol// kun bzang gdams ngag 'di
92a2 phog pas// bdag don rtogs pa 'di ltar shar// yul dang sems ni cir snang yang // 'khrul pa'i yid kyis brtags pa las// don la med par rang yid ches// lung ldan gdams ngag zin tsam na// gang yang
92a3 mi 'gal chos skur shes// de yang 'dus pa'i snying po nyon// ji bzhin pa la don gyis zin// ma bcos pa la dran pa gsal// yid ches don la 'gyur ba med// ma 'gags pa la bzung rgyu med// 'gro 'ong med
92a4 par rang sar gnas// shes pa gsal la mno bsam bral// de tsam nyid na bsgom du med// de yang 'dus pa'i snying po nyon// nyi shar mun grib med pa bzhin// gnas lugs gzhi dang phrad pa'i tshe// 'khrul med
92a5 shes pa yul dang bral// bsams nas med pa ma yin te// gdod nas med pa kun gyi gzhi// de nyid rtogs pas kun bzang thugs// dus gsum rgyal ba'i dgongs pa gcig/ de phyir thig le nyag gcig yin//
92a6 'pho 'gyur med pa nam mkha' 'dra// de yang 'dus pa'i snying po nyon// chos sku ye shes rtogs tsam na// da lta'i shes pa 'di nyid la// bzang por song ba med pa'i phyir// bsgom dang mi bsgom tha snyad bral// bying
iiif viewer powered by OpenSeadragon
Texts on this page
Gpb002.002 - rdzogs pa chen po sangs rgyas thams cad kyi dgongs pa chos sku gcig tu 'dus par bka' bgros pa'i don / rin po che yon tan kun 'byung gi rgyud