| e-texts navigator |
| བོད་ཡིག |
85a1 rig pas// ma rig mun pa gdod nas dag/ rang rig shes pa gnyug ma 'di// rgyu dang rkyen las ma bskyed phyir// 'dus byas chos la rag ma lus// nges lung bka' yi dgongs pa 'dis// ma nor
85a2 ma bcos don go'i phyir// tshul 'chos spyod pa bya mi dgos// de yang 'dus pa'i snying po nyon// ye nas gnas pa'i gzhi shes pas// ji bzhin don la rang gsal bas// snang ba'i sgron ma 'degs mi dgos// nam
85a3 mkha' dang ni dus mnyam phyir// ma skyes mi nub rang 'byung phyir// gzhan nas btsal du rdul tsam med// de yang 'dus pa'i snying po nyon// ye nas gnas pa'i gzhi shes pas// kun khyab ye nas chos sku la// 'pho
85a4 'gyur bya ba rdul tsam med// de phyir gzhi nges chos sku la// tshig gi tha snyad bslab mi dgos// blta ru med pa'i rig pa la// mdog dbyibs su ni mthong ba med// gal te yod na 'khrul pa yin// bsam du med
85a5 'i chos nyid la// rtog dpyod byed na ma rig sems// bstan du yod na mtshon pa dka'// rtag chad ye nas med pa la// mtha' ru ltung ba yod mi srid// de phyir spros bral mtha' dbus med// de yang 'dus pa'i
85a6 snying po nyon// yang dag ma nor dgongs pa ni// zhe la 'dod pa khar mi thon// rang gi nyams la gsal ba las// tshig gi mtshon du smrar mi shes// de phyir brjod du med ces bya// sus kyang ma byas ma bcos
iiif viewer powered by OpenSeadragon
Texts on this page
Gpb002.002 - rdzogs pa chen po sangs rgyas thams cad kyi dgongs pa chos sku gcig tu 'dus par bka' bgros pa'i don / rin po che yon tan kun 'byung gi rgyud