| e-texts navigator |
| བོད་ཡིག |
79b1 nas 'dus pa'i snying po nyon// nang gi ye shes rang shar don// gzhan du gol med chos sku ni// lha sgom spyod pa'i 'bras bu yis// gol sa med par don brgyad ldan// 'bral med chos sku nyams su myong // seng
79b2 ge'i 'o ma 'thung ba bzhin// de yang 'dus pa'i snying po nyon// rtag par ma song dngos po med// chad par ma song rgyun mi chad// bying bar ma bsgribs shes pa gsal// rgod par mi 'phro dran mi rgyu// blang du med
79b3 pas 'dod pa stor// dor du med pas rtsol ba bral// spang du med pas gang yang yin// thob tu med pas re ba med// de yang 'dus pa'i snying po nyon// chos sku rtag pas gzhi dang mthun// ma rig chad pas 'khor
79b4 ba stongs// rnam rtog bying bas bag chags brlag/ chos nyid 'phro bas thams cad mkhyen// de yang 'dus pa'i snying po nyon// gdams ngag blang bas rang sems rtogs// nyon mongs dor bas sgrib pa
79b5 dag/ nyams su blangs pas bden pa mthong // gol sa bcad pas chos sku rnyed// man ngag thob pas sangs rgyas 'byung // de yang 'dus pa'i snying po nyon// seng ge'i 'o ma gang 'thung ba// me chu dug mtshon la
79b6 sogs pa'i// gnod pa gang gis mi tshugs ltar// de yi yon tan brgyad ldan la// go la sgrib skyon gyis mi gos te// mi yi lus la bud+d+ha'i thugs// phyi ma ma yin da lta nyid// nges don bka' las de skad
iiif viewer powered by OpenSeadragon
Texts on this page
Gpb002.002 - rdzogs pa chen po sangs rgyas thams cad kyi dgongs pa chos sku gcig tu 'dus par bka' bgros pa'i don / rin po che yon tan kun 'byung gi rgyud