| e-texts navigator |
| བོད་ཡིག |
71a1 'byung ba'i dbyings// gcig la tha dad ngos 'dzin na// 'gal ba med de kun gyi dbyings// da lta snang ba'i chos rnams la// mi brtag mi bzung ma bral tsam// sgo lnga ma 'gags rang yan la// rig
71a2 pa rang dran dbyings nas 'phyo// gang yang rung ba gcig la yang // sgro skur med pa chos dbyings yin// de yang 'dus pa'i snying po nyon// yul 'di med pa'i don shes kyang // da dung bag chags cha 'dra yis// chu
71a3 zla smig rgyu du ba bzhin// 'od kyi zer bu me long tsam// don la shes med rig pa dang // snang yang snod med rtogs pa yin// chos sku 'phyo ba nam mkha'i klong // yin dang min gyis ci zhig bya// chos kyi dbyings su
71a4 de la btags// 'khrul pa'i rtog pas gzhi mi 'gyur// btsal ba'i bsam pas dbyings mi spyod// sangs rgyas thams cad kyi dgongs pa chos sku gcig tu 'dus par bka' bgros pa'i don/ rin po che yon
71a5 tan kun 'byung gi rgyud las/ snang ba ma bcos chos kyi dbyings gtan la phab pa'i le'u ste so gcig pa'o// // de nas 'dus pa'i tshogs rnams la// kun rig chos kyi rgyal po yis// yul med rig pa
71a6 bka' stsal pa// lung ldan bla ma'i gdams ngag 'di// ma rig 'khrul pa phyi na yod// rang rig ye shes nang na yod// phyi nang bar du nam mkha' dbye// sems rig phyed pas rang byung rtogs// de yang 'dus pa'i
iiif viewer powered by OpenSeadragon
Texts on this page
Gpb002.002 - rdzogs pa chen po sangs rgyas thams cad kyi dgongs pa chos sku gcig tu 'dus par bka' bgros pa'i don / rin po che yon tan kun 'byung gi rgyud