| e-texts navigator |
| བོད་ཡིག |
38a1 gnyis kyi rkyen bral bas// zhi gnas bsam gtan de la rdzogs// phyi nang chos rnams thams cad kun// so sor rtog pa'i ye shes kyis// sgyu ma lta bur rab shes pas// rang bzhin med pa'i lhag
38a2 mthong rdzogs// 'jig rten gol bar don rtogs pas// ser sna 'dzin pa'i don med phyir// re ba med pa'i bsam pa yis// sbyin pa'i pha rol phyin pa rdzogs// ma nor khrims las mi 'da'i phyir// lus ngag yid
38a3 kyi las rnams kun// mi dge nyes byas mi 'byung bas// tshul khrims pha rol phyin pa rdzogs// zab la rgya che'i lta ba yis// yin dang min pa'i chos rnams kun// chos kyi dbyings su kun shong bas// bzod pa'i pha/
38a4 rol phyin pa rdzogs// ngo bo nyid las 'bral med phyir// ched du mi bsgom da lta nyid// lta ba'i don la yengs med pas// brtson 'grus pha rol phyin pa rdzogs// gzhi gsum dus gsum 'bral med pas// ye
38a5 shes kun tu rgyun mi chad// snying po'i don las ma g.yos pas// bsam gtan pha rol phyin pa rdzogs// dang po 'khor ba rtsad gcod pa// ye shes rig pa'i ngos zin phyir// yid ches gdeng gis thag chod pas//
38a6 shes rab pha rol phyin pa rdzogs// da yang 'dus pa'i snying po nyon// de phyir yul gyi rnam pa la// spong sdud zhen pa med pa'i phyir// snang ba gang yang mi 'gog pas// thabs kyi pha rol phyin pa rdzogs// tshe rabs
iiif viewer powered by OpenSeadragon
Texts on this page
Gpb002.001 - rdzogs pa chen po lta ba'i yang snying / sangs rgyas thams cad kyi dgongs pa / nam mkha' klong yangs kyi rgyud