| e-texts navigator |
| བོད་ཡིག |
37a1 nyid kyi gzhi la med// snang lugs zhen ngor ci yang 'char// rnal 'byor nyams su blang zabs kyis// bsgom du yod med gnyis ka 'gal// yod par sgro btags rtag par 'gyur// med par skur
37a2 btab chad par 'gyur// de phyir nges don snying po ni// ma bsgoms 'bral med dgongs pa gces// zung lnga ya bcu de la bya// de yang 'dus pa'i snying po nyon// ma nor nges pa'i lung chen ni// sangs rgyas sems
37a3 can gnyis kyi gzhi// ngo bo nyid kyi kun bzang gis// tshig med don gyi rtogs shar bas// don nyid tshig tu 'byung ba'i phyir// nges pa yi ni lung du bshad// kun bzang nga yi byin rlabs kyis// thugs nas snyan du
37a4 gsung brgyud pa// tshig med don chen rtogs pa'i phyir// tshig la brten nas don go bas// bla ma slob dpon khyad par che// de yang 'dus pa'i snying po nyon// nyams myong yod med gnyis ka skyon// gang yang mi
37a5 'gal gdams ngag gi// don gsal yul la ma yengs pa// nyams myong dam par nga yi bshad// rnam rtog tha mal glo bur pa// bcos na thul ba'i zhi gnas yin// ma bcos bka' la dgos med phyir// bcos
37a6 med dran pa chos skur gsal// mdo rgyud nges don gang yang rung // drang ba'i don la khyad che yang // gzhi rtogs byed pa'i thabs la 'dra// nges pa'i don la khyad par med// de yang 'khor gyi snying po nyon// nges
iiif viewer powered by OpenSeadragon
Texts on this page
Gpb002.001 - rdzogs pa chen po lta ba'i yang snying / sangs rgyas thams cad kyi dgongs pa / nam mkha' klong yangs kyi rgyud