| e-texts navigator |
| བོད་ཡིག |
27b1 'bul// bla ma nges pa'i lung ldan gyis// de la gsang ba'i sku lnga byin// de phyir ma byin blangs na grol// da yang 'khor gyi snying po nyon// gnas skabs 'brel ba'i lus yod pas// 'tsho ba'i bza' bgo dgos
27b2 pa'i phyir// log 'tsho'i g.yo sgyu ma yin par// chos kyis 'tsho ba'i rdzas rnams btsal// de yang lam gyi rnal 'byor pas// bung ba bcud len zhen med ltar// khyim pa sun ni ma phyung bar// 'tsho ba'i yo byad tshod
27b3 zin bya// de yang rdo rje sems dpa' nyon// lus la pho mo yod pa'i phyir// sems can las kyi chags spyod tshe// 'khor ba'i 'bras bu ma smin na// don zin bde ba grogs su che// de phyir snga phyi ma song ba'i// ye
27b4 shes chos sku rang yin pas// de la skyon gyis mi gos phyir// thabs dang lta bas zin par bya// de yang blo gros dam pa nyon// bdag nyid ma yin gzhan dag la// chags sems tsam yang mi bya la// dam tshig sdom
27b5 pa srung ba dang // rgyal rigs mo dang bslab srung dang // bdag po can gyi bud med ni// rtsa ba yan lag dam tshig gi// nyams par byed pa'i bzhi yin phyir// ro myags ngu 'bod dmyal bar ltung // bag chags
27b6 zhen pa'i rgyu yin pas// blta bas ma zin rtag tu spang // zhen med chos sku'i spyod par bshad// de phyir 'khor spangs rab tu gces// de yang 'dus pa'i snying po nyon// 'jig rten 'khor ba rdzun gyi chos// yod
iiif viewer powered by OpenSeadragon
Texts on this page
Gpb002.001 - rdzogs pa chen po lta ba'i yang snying / sangs rgyas thams cad kyi dgongs pa / nam mkha' klong yangs kyi rgyud