| e-texts navigator |
| བོད་ཡིག |
23b1 med cing 'gag pa med// rnam rtog mtshan ma gzhi nas med// nyon mongs ngar 'dzin rnams dang bral// 'phel 'grib skyon rnams ngang gis med// de yi ngang la gnas thabs ni// snga phyi gzhi la med shes
23b2 pas// sems can dus na chos kyi sku// yid kyi yul du ma bsgoms kyang // rang byung rig pa'i ting 'dzin gsal// de yang rdo rje sems dpa' nyon// rang gi thig le'i don lta na// rab 'bring tha ma'i blo tshad
23b3 du// rim gyis bsgoms par ngas bshad kyis// gzhan du ma yengs yid la zung // tha ma rnal 'byor sgom pa pos// snga phyi med pa'i gnyug ma la// ma 'phros ma bying rang lugs tsam// de la rgyun du ma yengs
23b4 bsgom// chags sdang dbang gis 'phro gyur na// don dam dgag bsgrub med pa'i phyir// rang byung snying po rang shar bas// ba mor nyi shar ji bzhin no// gti mug dbang gis bying ba ni// rang sems shes pa
23b5 gzengs bstod la// phyi rol yul la mi spyad par// dbang po sgo dbye yan du gzhug/ 'bring gi rnal 'byor sgom pa pos// chos sku nam mkha' lta bu la// ji bzhin pa yi ye shes de// brjod med rgyun mi chad par
23b6 ltalha// gal te byung tshor rtag chad rnams// rnam rtog ye shes bskul mar shes// me la shing bsnan ji bzhin du// de tsam nyid nas bsgom pa gsal// sgo lnga shes pa rmugs gyur na// nyams gsum bsres pa'i don
iiif viewer powered by OpenSeadragon
Texts on this page
Gpb002.001 - rdzogs pa chen po lta ba'i yang snying / sangs rgyas thams cad kyi dgongs pa / nam mkha' klong yangs kyi rgyud