| e-texts navigator |
| བོད་ཡིག |
160b1 bdun// kha gser kha g.yu ber chen sogs// ser sna med par 'bul nus na// tshegs med don go bstan par bya// de dag mi ldan kha gsag can// slob dpon mched kyi spyod rtsing la// ya mtshan che nas phyar kha
160b2 gtong // thabs kyis smod pa sna tshogs byed// bka' rkun byas nas kun la spel// nga las lhag pa gzhan na med// bka' brku bcos shing zas nor 'tshol// de ni dmyal ba chen por ltung // 'di la ngo tsha khrel
160b3 rnams shor// rang gis rang bslus snod ngan la// nam yang bstan par mi bya'o// kun tu bzang po ye shes klong gi rgyud las/ snod bcud bstan pa'i le'u ste gnyis pa'o// // de nas rdo rje sems dpa'
160b4 yis// 'dus pa'i 'khor la phan gdags phyir// kun rig chos kyi rgyal po la// nges pa'i dgongs don 'di skad gsol// chos kun 'byung ba'i gzhi gsum gyi// 'khor ba'i gzhi ni gang gis bgyi// de ltar 'gro/
160b5 drug ji ltar 'khrul// don gyi dbye ba bshad du gsol// de skad zhus pa'i don gsan nas// kun rig rgyal pos bka' stsal pa// nges don dbye ba ngas bshad kyis// dad ldan 'khor rnams da nyon cig/ 'khor
160b6 gzhi shes pa lung ma bstan// rang bzhin lus kyi rtsal snang ba// gang la mi rtog don shes zin// shes pa rang snang dri mas 'chol// ma rig rgyu ni nges med phyir// shes gzhi lung ma bstan zhes bya// de yang 'dus
iiif viewer powered by OpenSeadragon
Texts on this page
Gpb002.004 - rdzogs pa chen po nges don 'dus pa'i yang snying / kun tu bzang po ye shes klong gi rgyud / rin po che gser gyi yang zhun