| e-texts navigator |
| བོད་ཡིག |
149a1 mun gseb na// rang byung ma rig bsgribs te gnas// de yi gtan tshigs nges pa ni// rtag chad bral dang ngo ma shes// rang byung ngo bo rgyun du gnas// 'khor 'das gnyis ka sems la rdzogs// de
149a2 yi de nyid mtshon pa'i dpe// til la mar gyis khyab pa dang // nam mkha' a dang rdo rje yis// phyogs 'ga' 'dra ba'i dpe yis mtshon// 'bras bu rang la yod pa'i phyir// rgyu rkyen gzhan la rag ma lus// de phyir
149a3 rang byung kun khyab des// gzhan don byas phyir btsal mi dgos// de yang 'dus pa'i snying po nyon// rtogs pa skad cig sangs rgyas ni// ngo bo kun gzhi'i gzhi cha la// lung ldan bla mas don bstan pas// ma rig
149a4 sangs pas rig pa rgyas// de yang yid ches gtan tshigs ni// 'khor 'das 'byung ba glo bur te// gzhi la med par rang yid ches// de phyir rtsol ba'i nad dang bral// de yis de nyid mtshon pa ni// mun khung sgron
149a5 me btegs pa dang // nam langs nyi ma shar ba dang // long bas rin chen rnyed pa 'dra// de yi 'bras bu nges pa ni// bag chags nyon mongs zil gyis gnon// yul med rang rig chos skur bstan// de yang yid
149a6 ches 'bras bu mchog/ de yang rdo rje sems dpa' nyon// lam la gnas pa'i sangs rgyas de// ngo bo lta ba'i gzhir nges phyir// rgyun du 'bral med lhag mthong gsal// ye shes ngos zin yengs pa med// de phyir
iiif viewer powered by OpenSeadragon
Texts on this page
Gpb002.003 - rdzogs pa chen po shin tu rnal 'byor sangs rgyas thams cad 'byung ba'i rgyud / ye shes chos kyi sku don 'dus rig pa'i gsung/ gsang ba thugs kyi ting nge 'dzin / rang byung bde ba 'khor lo mthar phyin 'bras bu'i rgyud