| e-texts navigator |
| བོད་ཡིག |
135b1 gsal ba'i le'u ste so brgyad pa'o// // de nas rdo rje sems dpa' yis// 'dus pa'i 'khor la phan gdags phyir// kun rig sems kyi rgyal po la// bden pa'i yid kyis 'di skad gsol// the tshom gegs
135b2 chen bsal ba'i phyir// gdams ngag mdor ni ji ltar bsdu// bsgom pa'i don ni dbye ba gang // rtogs pa'i sems nyams ji ltar 'byung // kun rig ston pas bshad du gsol// de skad gsol pa'i don gsan
135b3 nas// 'dus pa'i 'khor la bka' stsal pa// mdor bsdus gdams ngag nges pa'i don// khyod la bstan gyis yid kyis zung // yul med ma yengs spang blang med// re dogs gnyis med rnal 'byor la// da lta
135b4 nyid du yid ches gdeng // sangs rgyas sa la nges par gnas// de yang 'dus pa'i snying po nyon// rang byung chos nyid gnas lugs ni// bzo bcos med pa'i shes pa la// sgo skur gang yang ma btags na// lta ba'i
135b5 gzhi nyid de la bya// de yi ngang la gnas thabs ni// snga phyi med pa'i gnyug ma'i rgyun// ched du ma byas rang gsal tsam// de las ma 'das bsgom pa yin// spang blang med pa'i spyod pa ni// yin min bzang ngan la
135b6 sogs pa'i// bkod pa gang yang med pa'i phyir// ris su mi byed spyod pa'i mchog/ re dogs med pa'i 'bras bu ni// lung ldan rkyen gyis rtogs pa des// lan gcig thob tu mi re ste// da lta'i rang sems chos
iiif viewer powered by OpenSeadragon
Texts on this page
Gpb002.003 - rdzogs pa chen po shin tu rnal 'byor sangs rgyas thams cad 'byung ba'i rgyud / ye shes chos kyi sku don 'dus rig pa'i gsung/ gsang ba thugs kyi ting nge 'dzin / rang byung bde ba 'khor lo mthar phyin 'bras bu'i rgyud