| e-texts navigator |
| བོད་ཡིག |
133a1 'byor bdag gis spyad// gtan la kun gzhi'i dngos po dbab// don du 'khor brtsad nas chod// rtogs pa thig le nyag gcig gsal// lta ba rang byung ye sangs rgyas// sgom pa chos nyid klong na
133a2 'phyo// spyod pa thams cad byar med spyod// rol pa cir yang thogs pa med// 'bras bu ma lus yongs su rdzogs// de ltar rtogs na rdzogs chen yin// de yang 'dus pa'i snying po nyon// steng 'og mtho dman med
133a3 par rdzogs// phyogs mtshams dbye ba med par rdzogs// mtha' dbus nye ring med par rdzogs// snang stong nye ring med par rdzogs// ye shes brdal ba chen por rdzogs// sku mchog cir yang snang bar
133a4 rdzogs// gsung ni bstan pa sgrog par rdzogs// thugs ni thams cad mkhyen par rdzogs// mtshan ma chos kyi dbyings su rdzogs// chos nyid dag pa'i ngang du rdzogs// dug lnga ye shes chen por rdzogs// ye shes
133a5 rang byung nyid du rdzogs// 'khrul pa rang bzhin med par rdzogs// rang bzhin bde ba chen por rdzogs// gzung 'dzin mnyam pa nyid du rdzogs// snang ba 'byung ba lnga ru rdzogs// 'byung ba kun bzang rtsal du
133a6 rdzogs// sems can byang chub sems su rdzogs// byang sems chos kyi sku ru rdzogs// rdzogs pa chen po don 'dus rang byung bde ba'i 'khor lo'i rgyud las/ sangs rgyas chos kun rdzogs par bstan pa'i le'u
iiif viewer powered by OpenSeadragon
Texts on this page
Gpb002.003 - rdzogs pa chen po shin tu rnal 'byor sangs rgyas thams cad 'byung ba'i rgyud / ye shes chos kyi sku don 'dus rig pa'i gsung/ gsang ba thugs kyi ting nge 'dzin / rang byung bde ba 'khor lo mthar phyin 'bras bu'i rgyud