| e-texts navigator |
| བོད་ཡིག |
122b1 sku 'di// yid kyi yul du ma bsgoms kyang // lta ba'i don dang 'bral med phyir// rnal 'byor spyod pa ci byed kyang // de tsam nyid na 'byung 'jug med// rdzogs pa chen po don 'dus rang byung bde ba'i 'khor
122b2 lo'i rgyud las/ chos kyi sku'i bsgom pa ngos gzung ba bstan pa'i le'u ste nyi shu rtsa lnga pa'o// // de nas kun rig rgyal po yis// rang sems gnas thabs bka' stsal pa// snying po chos sku bsgom pa la// skyon
122b3 bsal dang la gnas thabs ni// nyams kyi 'byung lugs rim pa'i don// 'dus pa'i 'khor la ngas bshad nyon// ting 'dzin mi mthun skyon 'byung ba// bying rgod zhen 'dzin bsgom pa'i dgra// mdor na ci yang
122b4 rung ba la// rang rig sems kyis myong ba 'am// zhe la 'dzin pa'i skyon yin no// de med ngang la gnas thabs ni// yul dang sems kyi chos rnams la// dang por lta bas ngos zin phyir// brtag cing dpyad du med
122b5 rtogs pas// snga phyi'i dran pa rgyun bcad la// rig pa'i rang bzhin ji lta ba// gsal la mi rtog mi g.yo ba// gyi na btang snyoms ngang du gzhag/ de tshe ting 'dzin rig pa'i yul// sgo lnga'i yul la phar mi
122b6 dpyad// yid kyis ting 'dzin tshur mi 'dzin// kun gzhi ma rig mun med gsal// de tshe byung tshor rang zhi nas// chos sku sang nge rig pa la// ma bcos shes pa'i ngang la gzhag/ der brtan ting 'dzin gdeng du
iiif viewer powered by OpenSeadragon
Texts on this page
Gpb002.003 - rdzogs pa chen po shin tu rnal 'byor sangs rgyas thams cad 'byung ba'i rgyud / ye shes chos kyi sku don 'dus rig pa'i gsung/ gsang ba thugs kyi ting nge 'dzin / rang byung bde ba 'khor lo mthar phyin 'bras bu'i rgyud