| e-texts navigator |
| བོད་ཡིག |
117b1 rang bslus zhen pa'i rgyun// de bzlog don phyir lam lnga gsungs// de yang rdo rje sems dpa' nyon// dad ldan 'gyur med las can gyis// lung ldan rdo rje slob dpon la// yid 'thad phongs med 'bul ba ni//
117b2 tshogs kyi lam du bstan pa yin// bla mas gnang ba byin gyur te// yid gnyis the tshom blo spangs nas// mkha' 'gro mchod cing don zhus tshe// sbyor ba'i lam zhes de la bya// de yang 'dus pa'i snying po nyon// nges
117b3 pa'i bcud ldan slob dpon gyis// yang dag gdams ngag lung bstan pas// snod ldan yid ches don rtogs phyir// mthong ba'i lam ni yin par gsungs// de don go nas rgyun du ni// nges don chos skur spongs
117b4 pa med// rang rig ye shes dbang thob phyir// bsgom pa'i lam du bstan pa yin// yang dag nges don gdams ngag 'di// rang gi thugs la don rdzogs pas// 'gyur med gdeng chud ye shes klong // mthar phyin
117b5 lam du bshad pa ni// de yang 'dus pa'i snying po nyon// yang dag don gyi chos nyid la// lam gyi dbye ba med mod kyang // rnal 'byor blo yi rim pa las// theg pa'i bye brag tha dad pas// lam lngar phye ba gcig tu
117b6 rdzogs// rdzogs pa chen po don 'dus rang byung bde ba'i 'khor lo'i rgyud las/ ma bgrod lam lnga rdzogs par bstan pa'i le'u ste nyi shu pa'o// /
iiif viewer powered by OpenSeadragon
Texts on this page
Gpb002.003 - rdzogs pa chen po shin tu rnal 'byor sangs rgyas thams cad 'byung ba'i rgyud / ye shes chos kyi sku don 'dus rig pa'i gsung/ gsang ba thugs kyi ting nge 'dzin / rang byung bde ba 'khor lo mthar phyin 'bras bu'i rgyud