rKTs

e-texts navigator

Page

7b₁ gzhi snang chen po'i 'dug tshul nga yis smra yis ma nor yid la zung zhig/ ngo bo nyid kyi snang ba la/ ngo bo nyid kyi skur shar te/ chos sku thig le nyag gcig ma bcad pa'i yul can/ snying po bcud du 'dril ba/ dpe
7b₂ nam mkha' dang nyi ma lta bur gnas so// kye gsang ba'i bdag po nges par zung zhig/ ngo bo nyid kyi snang ba ni yul chos kyi dbyings/ sangs rgyas kyi zhing khams rnam par dag pa ste/ de la ni mtha' dang dbus med
7b₃ pa/ steng 'og phyogs mtshams med pa/ du ma dang rten pa med pa/ de rdos pa can gyi chos min pas mnan na nem pa snyam byed pa/ btegs na 'phar ba snyam byed pa/ gar yang gsal ba zang thal ba/ kun tu rgya ma
7b₄ chad pa/ spros bral gyi dbyings/ 'gyur med kyi klong ngo // ngo bo nyid kyi sku ni phyogs lhung med pa'i shes rab/ rgya ma chad pa'i ye shes/ lhun gyis grub pa'i sangs rgyas dngos med zang thal ba/ byed pa po'i
7b₅ mtha' thams cad las 'das pa/ ma bcos pa sgro skur gyi mtha' thams cad las 'das pa/ ma bslad pa skyon gyi mtha' rnam par dag pa/ dang po rgyu med pa/ bar du rkyen med pa/ tha ma gnyen po med pas mi
7b₆ 'gyur ba/ ma rig pa dang log par lta ba dang / ma dad pa dang le lo la sogs pa dri mar ma gyur pa rtag chad kyi mtha' dang / yod med kyi mtha' dang / bem rig dang gzung 'dzin gyi mtha' dang bral

_{iiif viewer powered by OpenSeadragon}

7a - 8a

Texts on this page