| e-texts navigator |
| བོད་ཡིག |
57a1 ye shes rang gi gdangs la bzhugs// 'byung bzhi rang bzhin dag pa'i nam mkha' la// chos nyid don gyi nam mkhas ye nas khyab// chos nyid don gyi nam mkha' la// rang rig ye shes nyi ma
57a2 shar// phyogs res med pa kun tu bzang // yid kyi rnam rtog ci 'gyu yang // ma 'gags rang bzhin med pa'i don// bltas shing gsal ba'i mthong rnyed la// phyi nang gnyis ka phyi nyid nang // zab pa'i cha shas
57a3 rtogs yul bral// phyi nang snod bcud thams cad kun// byis pa'i skye bo rnams la snang mod kyi// lta ba rang rig ye shes dngos med zang thal ba// dngos po mtshan ma'i sgrib pa ye nas rnam par dag/ kun bzang
57a4 zhal ni phyogs bcu kun tu gsal// yum gyi b+ha ga bde klong gcig tu 'khyil// de bas khams gsum ma lus spros bral chen por gcig/ lta ba rnam dag rang rig ye shes la// sangs rgyas med pas sangs rgyas
57a5 ming yang med// sems can med pas khams dang 'byung ba med// man shel sku ltar rang gi rgyud dag pas// dri med zang thal dag pa chos kyi sku// sa chu me rlung nam mkhar snang ba yang // ma rtogs blo la tshad
57a6 mar snang mod kyi// snang la rang bzhin med de ye shes gdangs su gsal// dper na mkha' la mdza' tshon gsal ba yang // mkha' las logs na med kyang logs par snang // mkha' yi ngang du gnas shing
iiif viewer powered by OpenSeadragon
Texts on this page
Gpb001.001 - spros bral don gsal chen po'i rgyud