| e-texts navigator |
| བོད་ཡིག |
51b1 te// rgyu rkyen med pas rang byung ngo // de nyid shes pa'i ye shes yin// zhes gsungs so// spros bral don gsal gyi rgyud chen po las/ dus gsum phye nas ngo sprad pa'i le'u ste zhe brgyad pa'o// // de nas yang
51b2 gsang ba'i bdag pos zhus pa/ kye kye bcom ldan rdo rje 'chang // dus gsum ngo sprod de lags na// ngo sprod rnam bzhi gsung du gsol// zhes zhus pas// ston pa rdo rje 'chang gis bka' stsal pa// rdo rje 'dzin pa
51b3 nges bzung zhig/ rang gi byad kyi mtshan nyid ni// me long dag la rab brten nas// ji ltar gtan la 'bebs pa ltar// sku gsum 'du bral med pa'i don// ye nas rang la lhun grub pas// brda' yis gtan la
51b4 dbab par bya// kye gsang ba'i bdag po khyod nyon cig/ ngo sprod bzhi ru shes par bya// ci'i phyir yul bzhir nges pas so// bzhi po gang yin ji ltar yin// sku lnga rin po che'i sbubs dang gcig/ longs sku lnga ldan
51b5 de dang gnyis// sbrul sku'i bar do de dang gsum// sku gsum 'du 'bral med par rdzogs ldan no// de bzhi mi rdzun nges pas the tshom dang bral ba'o// bden bzhi'i tshul gyi rnam pa can// ngo sprod bya ba'i shes pa ma
51b6 'gags pa'o// rigs kyi bu khyod legs par nyon// grangs ldan gtan tshigs bstan pa'o// bla mas gdams ngag sgrogs pa'i tshe// go rim gnyis su bstan pa ni// gzhi nyid lhun grub dag gi go rim
iiif viewer powered by OpenSeadragon
Texts on this page
Gpb001.001 - spros bral don gsal chen po'i rgyud