| e-texts navigator |
| བོད་ཡིག |
344b1 'thad pa yi gnas dag tu// dam tshig sel med tshogs 'khor de// sngon 'gro las drug rdzogs byas nas// dkyil 'khor bskyed dang spyan drangs te// byin gyis brlabs la tshogs drangs nas// mchod pa rnam
344b2 gsum rdzogs par 'bul// lha gshegs lhag mar rol pa dang // skye shi dus kyi smon lam yang // lta ba'i ngang du rdzogs par bya// de phyir tshogs gnyis dus gcig rdzogs// de yi yon tan brjod
344b3 mi lang // rdzogs pa chen po 'khor ba rtsad nas gcod pa chos sku skye med rig pa'i rgyud las/ mthun 'jug thabs kyi spyod pa bstan pa'i le'u ste bcu drug pa'o// // rdo rje sems dpas yang zhus pa// the
344b4 tshom gegs rnams bsal ba'i phyir// gdams ngag don rnams dbye ba dang // 'khrul pa bzlog pa'i rtags gnyis gang // thig le la shan gegs gsal ba'i// yon tan don la ji ltar rdzogs// kun rig rgyal
344b5 pos bshad du gsol// zhus pa'i don gsan bka' stsal pa// lha sgom spyod pa 'bras bu yi// gdams ngag dbye ba nyi shu bzhi// ngo bo la sogs drug drug tu// dbye ba gcig tu rtogs pa'i tshe// mi yi lus la
344b6 sangs rgyas thugs// de yi yon tan bsam mi khyab// de yang 'dus pa'i snying po nyon// dang po 'khrul pa'i gzhi shes bya// ma rig ngar 'dzin 'khrul pa ste// ma spangs rang sar grol ba'i phyir// 'khrul ldog rtags
iiif viewer powered by OpenSeadragon
Texts on this page
Gpb001.019 - rdzogs pa chen po 'khor ba rtsad nas gcod pa chos sku skye med rig pa'i rgyud