| e-texts navigator |
| བོད་ཡིག |
330a1 'byung ba 'khor ba'i chos// de la dam par gang 'dzin pa// nam mkha' dag la 'dzin pa 'dra// sangs rgyas rnams ni spyod mi mdzad// ma byung ma skyes pa nyid yin// rdzogs pa chen po rin po che
330a2 'khor ba rtsad gcod kyi rgyud las/ don chos nyid kyi gnas lugs bstan pa'i le'u ste gnyis pa'o// // da yang sems dpa' chen po nyon// nga las 'khrul pa byung ba ni// thog ma'i dus kyi mtha' drug
330a3 gnyis// kun gzhi ma rig mun gseb na// gcig la snang ba gnyis su 'byung // yar mar 'khrul 'khor 'khor ba'i chos// thag sbrul tho yor ji bzhin du// ma rig pa las 'khrul pa brgyad// dmus long lta bur
330a4 rang bsgrubs pas// mi shes log pa'i 'khor bar 'khyams// de bas sems dpa' chen po nyon// 'og ma'i lung ldan rkyen phrad nas// blos 'jal lta ba rnam pa bzhi// yo ga man chad nga yi gtam// ji snyed mdzad
330a5 kyang nga mi rnyed// mtshan ma rags shing nga mi rtogs// rgyud lung rnal 'byor chen po las// nga tshol pa 'khrul nga mi rnyed// nga ma rnyed pa'i snang ba zhen// 'gro don theg pa rnam pa brgyad// gzhi nyid ma shes 'khrul pa'i
330a6 phyir// brgyad gnyis mi sgrol shin tu 'ching // de yang rdo rje sems dpa' nyon// 'khor ba'i rgyu ni rtog pa yin// gzung 'dzin zhen pa mtshan mar snang // bag chags brtas phyir kun gzhi yin// ye shes mya ngan
330a7 'das pa'i rgyu// mi rtogs gzhi gnas nyid brdal ba// 'bras bu zung 'brel lhun grub pa// gnyis ka'i rgyur gyur gzhi nyid ni// rang byung ngo bo nyid kyi sku// de nyid ma rtogs dman rnams kyis// snang ba de nyid
iiif viewer powered by OpenSeadragon
Texts on this page
Gpb001.018 - rdzogs pa chen po rin po che 'khor ba rtsad gcod kyi rgyud